ҚР Мемлекеттік қызмет істері агенттігі «Үздік ауыл әкімі» Республикалық байқауын ұйымдастырды.
«Үздік ашық әкім» болып Қарағанды облысы Нұра ауданы Баршын ауылдық округінің әкімі Зәуре Мұханалиева танылды.
Жарыс екі кезең бойынша өтті: аймақтық және республикалық.
«Өңірлік кезеңге қатысушылар халықтың ауылдық жерде тұруына қолайлы жағдай жасауға бағытталған жобаларын қорғады, экономикалық және әлеуметтік әлеуеті бар ауылдарды тұрақты дамыту жөнінде ұсыныстар енгізді.
Екінші кезеңде ауыл әкімдерінің ситуациялық кейстер арқылы проблемалық жағдайлар бойынша тәжірибелік міндеттерді шешу қабілеті бағаланды», — деп хабарлады ҚР Мемлекеттік қызмет істері агенттігі.
Зәуре Мұханалиева 2016 жылдан бері Баршын ауылдық округінің әкімі болып жұмыс істейді.
«Келесі жылы мен зейнетке шығамын. Сіздің жұмысқа қалай келгеніңіз емес, одан қалай кететініңіз маңызды деген сөз бар. Облыстық деңгейде «Тері илеу және жүн өңдеу» тақырыбында өз жобамды қорғадым. Ал республикалық кезеңге біз онлайн қатысып, кейстер бойынша сұрақтарға жауап бердік. Әлихан Бөкейханов: Халыққа қызмет ету білімде емес, мінезде деген. Менің мінезім ашық, көпшілмін.
Бұл қасиеттер маған тұрғындармен жұмыс істеуде көп көмектеседі. Бізде 803 адам тұрады. Әкімдер халық арасында және халықпен жұмыс істеуі тиіс. Адамдармен ортақ тіл табысу үшін белгілі бір дәрежеде психолог болуыңыз керек. Болашақ жас әкімдер осыны ескереді деп сенемін», — дейді Зауре Мұханалиева.
Конкурсқа барлығы жүзге жуық ауыл және ауылдық округ басшылары қатысты.
Түркістан облысы Шардара ауданы Жаушықұм ауылдық округінің басшысы Нұрбақыт Нұрсейтов үздік әкім атанды.
Конкурс жеңімпаздары мен номинация иегерлері мемлекеттік қызмет істері агенттігі төрағасының Құрмет грамоталарымен марапатталды.
