Хабар

Қарағандыда ойын алаңдарын абаттандыруға бақылау күшейтілді

Биыл Қарағандыда балалар алаңдарын орнату кезінде сапаға баса назар аударылды. Өткен жылдардың мониторингі мердігерден жұмысты жауапкершілікпен орындауды талап ететін уақыт келгенін көрсетті.

Қазыбек би атындағы ауданда 14 аула абаттандырылады, ал Әлихан Бөкейхан ауданында 5 футбол алаңы салынып, 12 аула кешенді түрде жабдықталады.

Сонымен қатар, Күнгей және Үлкен Михайловка сияқты салыстырмалы түрде шалғай аудандарда 17 балалар ойын алаңы пайда болады.

Өткен жылы алаңдардың сапасыз орнатылуына қатысты халық тарапынан айтылған сынмен шенеуніктер келіседі. Олар мердігерлерден кемшіліктерді жоюын талап етті. Бұл жағдайда сотқа жүгінуге тура келген компаниялар да бар.

«Қазір сапаға көп көңіл бөлеміз, мердігерлерден ойын алаңдары үшін жақсы элементтер сатып алуды талап етеміз. Ауладағы кешенді жұмысқа келетін болсақ, мұнда бәрі болады: футбол алаңы, екі ойын алаңы (3–7 және 7–12 жас), воркаут-алаң, екі күркелер, құмсалғыш орнатылады. Контур бойымен мердігер компания төсем төсеп, жиектер мен асфальтты ауыстырады», – дейді Қазыбек би атындағы аудан әкімінің орынбасары Мақсұт Қожанов.

Қазыбек би атындағы аудандағы 13 аула аумағын абаттандырып жатқан компания өкілі Аслан Иманжанов олардың жұмысына қарағандылықтарда шағымдар болмайтынына сендірді.

«Біз бұл салада 15 жыл жұмыс істеп келеміз. Кем дегенде бір жылға кепілдік береміз, сонымен қатар әр аттракционға кепілдік береміз. Олардың барлығы стандарттарға, ҚНжЕ, ГОСТ-қа сәйкес келеді. Шағын сәулет нысандарына 5 жылдан астам кепілдік береміз. Қазақстан нарығында ең жоғары сапалы материалдарды пайдаланамыз. Біз жасанды шөпті резеңке үгіндісімен (құлаған кезде соққыларды жұмсарту үшін) және кварц құмымен жабамыз. Сонымен қатар, біз көгалдарды арнайы пластикалық шегелермен нығайтамыз», – дейді Аслан Иманжанов.

Кейбір аула аумақтарын абаттандыру 10 шілдеге дейін аяқталады, қалғанын мердігерлер жаздың соңында тапсырамыз деп уәде беріп отыр.

Қарағандыда жол жұмыстары қызу жүріп жатыр. Қалада барлығы 32 жоба бойынша жолдарды орташа жөндеу жүргізілуде.

Тәттімбет көшесі мен Шахтерлер даңғылының қиылысында асфальтбетонның жоғарғы қабаты ауыстырылды. «Магнум» СҮ аумағынан оң жақты шығыс жолы ұйымдастырылады. Сонымен қатар облыстық балалар ауруханасына апаратын жолдың 900 метріне жөндеу жұмыстары жүріп жатыр. Биыл медициналық мекеме пайдалануға беріледі.

7-ші магистраль бойынша автомобиль жолына күрделі жөндеу жалғасуда, К.Маркс көшесі бойынша а/ж қиылысында жұмыстар жүргізілуде. Қазір жол негізі себіліп жатыр.

Карл Маркс көшесі – ХМК көпірі жолындағы жұмыстар 70 пайызға дайын. Міндет – 15 шілдеге дейін жолақтарды ашу.

Сонымен қатар Майқұдықтағы саябақта да биыл қайта құру жұмыстары басталды.

«14 гектарды абаттандырамыз. Ұзындығы 2,5 шақырым веложол, 1,2 шақырым жаяу жүргіншілер жолы, 1,2 шақырым жүгіру жолы, ротондасы бар құрғақ субұрқақ болады. Биыл жұмыстарды аяқтауды жоспарлап отырмыз», – дейді мердігерлік компания өкілі Владимир Нефедов.

Мердігерлер сонымен қатар жасыл алаңдарға қамқорлық жасап, қосымша көпжылдық гүлдер мен бұталар отырғызуға уәде беріп отыр.

Статьи по теме

Добавить комментарий

Ваш адрес email не будет опубликован. Обязательные поля помечены *

Back to top button