eGov.kz электрондық үкімет порталында және eGov Mobile мобильдік қосымшасында қазақстандықтар шипажай-курорттық емдеу қажеттілігі туралы қорытынды алуға және алдын ала міндетті медициналық тексеруден өту үшін анықтама алуға өтінім бере алады.
“Шипажай-курорттық емделуге қажеттілік туралы қорытынды беру” қызметінің көмегімен шипажай-курорттық емделуге қорытынды алу үшін электрондық өтінім беруге болады.
Өтініш берген кезде қойылған диагнозға сәйкес клиникалық-диагностикалық зерттеулер нәтижелерінің электрондық көшірмесі болуы қажет.
Қызметті көрсету нәтижесі электрондық құжаттың 069/у нысаны бойынша берілген шипажай-курорттық карта немесе электрондық құжат нысанында “жеке кабинетке” жіберілген мемлекеттік қызметті көрсетуден бас тарту туралы дәлелді жауап болып табылады.
Шипажай-курорттық емдеу мамандандырылған мекемелерде көрсетілетін және минералды сулар, емдік балшық, термалды бұлақтар және т. б. сияқты шипажай-курорттық аймақтың табиғи факторларына негізделген кешенді емдеу-профилактикалық көмекті қамтиды.
“Алдын ала міндетті медициналық тексеруден өту” мемлекеттік қызметін келесі тұлғалар топтары пайдалана алады:
– дәріханалардың, фармацевтикалық ұйымдардың қызметкерлері;
– қызмет көрсету саласының қызметкерлері (моншалар, душ, сауналар, шаштараздар, косметологиялық салондар, кір жуатын орындар, химиялық тазалау), бассейндер мен су емханаларының, балшықпен емдеу мекемелерінің, спорттық-сауықтыру ұйымдарының қызметкерлері;
– қан қызметі, хирургиялық, гинекологиялық, акушерлік, гематологиялық, стоматологиялық бейіндегі ұйымдардың медициналық персоналы, медицина қызметкерлері;
– мектепке дейінгі ұйымдардың, мектеп-интернаттардың, жыл бойы балалар шипажайлық сауықтыру ұйымдарының, балалар үйлерінің қызметкерлері, отбасылық үлгідегі үйлердің қызметкерлері;
– жолаушыларға қызмет көрсету ұйымдарының (теміржол вокзалдарының, аэровокзалдардың, әуежайлардың, теңіз және өзен вокзалдарының, автовокзалдардың, метрополитендердің) қызметкерлері;
– қоғамдық тамақтандыру объектілерінің қызметкерлері;
– жалпы білім беретін мектептердің оқушылары, оқуға түсетін орта арнаулы және жоғары оқу орындарының студенттері және т. б.
Қызмет көрсету нәтижесі № 075-у нысаны бойынша берілген медициналық анықтама (дәрігерлік кәсіптік-консультациялық қорытынды) немесе электрондық құжат нысанында “жеке кабинетке” жіберілген мемлекеттік қызмет көрсетуден бас тарту туралы дәлелді жауап болады.
Өтінімді өңдеу туралы хабарлама eGov.kz порталындағы “жеке кабинетте” 30 минут ішінде пайда болады.
Қызметтер eGov.kz порталында қолжетімді. “Азаматтарға” – “Денсаулық сақтау” – “Медициналық көмек” бөлімінде. Ұқсас қызметтер eGov Mobile қосымшасында, Денсаулық сақтау бөлімінде де қол жетімді.
