Қарағандылықтарды Франциядан келген белгілі пианист Давид Бисмуттың жеке концертіне шақырады. Музыканттың гастрольдері жыл сайынғы “Франкофон көктемі” фестивалі аясында жоспарланған.
Pianiste журналының нұсқасы бойынша, Давид Бисмут – өз заманының ең дарынды 10 француз пианистерінің бірі. Ол әйгілі дирижер және альтист Юрий Башметтің жетекшілігімен орыс оркестрімен, кейінірек Француз Pasdeloup оркестрімен дебют жасады.
24 сәуірде Қарағандыда Давид Бисмут “Шалқыма” концерт залында өнер көрсетеді. “Француз ойлары – мұра және шабыт” бағдарламасында Камиль Сен-Санс, Франсуа Куперен, Жак-Филипп Рамо, Сезар Франк, Ашиль-Клод Дебюсси сияқты Францияның көрнекті композиторларының шығармалары бар.
Басталуы 18:00.
Касса телефондары: (8-7212) 41-13-14, 41-22-30.
