10 ақпан мен 10 наурыз аралығында Instagram платформасында “Сарыарқаның жаңа есімдері” атты көркемөнерпаздар халық шығармашылығының облыстық байқауы өтеді. Іс-шара Қазақстан Республикасы Тәуелсіздігінің 30 жылдығына арналған, деп хабарлайды облыс әкімдігінің баспасөз қызметі.
Байқауға 7-14 жас, 15-29 жас, 30-55 жас, 56 жас және одан жоғары жас санаттары бойынша барлық тілек білдірушілер қатыса алады.
Номинациялар:
– вокалдық ән айту (соло, вокалдық топтар);
– хореография (Халық биі, Заманауи би);
– Аспаптық орындау (аспапта ойнау, жеке немесе топтық орындау);
– көркем сөз (мелодекламация, шығармадан үзінді, Stand Up, эскиздер және т. б.);
– бірегей жанр (фокустар, жонглерлік ету, акробатика және т.б.).
Ниет білдіруші байқауға қатысуға өтінімді толтырып, электрондық поштаға жіберуі тиіс: karonmc@mail.ru. Өтінім үлгісі және байқау шарттарын @onmcdint Instagram парақшасынан көруге болады.
Сондай-ақ, байқау нөмірінің видеосын Instagram-да жеке парақшасына орналастырып, @onmcdint парақшасына жазылу, #НовыеИменаСарыарки хэштегін белгілеу және өңірді, тегін, атын, жасын, шығарманың немесе жұмыстың атауын, жанрын көрсету қажет.
Байқауға қатысушыға “+1 ” фонограммаларын пайдалануға тыйым салынады. Орындау уақыты 5 минуттан аспауы тиіс.
Дарынды қарағандылықтарды кәсіби қазылар алқасы келесі өлшемшарттар бойынша бағалайды: орындаушылық шеберлік, әртістік, креативтілік, сахналық костюм, бейне сапасы.
Әр жас санаты мен жанрда І, ІІ, ІІІ орындар үшін дипломдар мен ынталандыру сыйлықтары тапсырылады. Онлайн-дауыс беру қорытындысы бойынша көрермендер көзайымы сыйлығы беріледі.
Марапаттау және қорытынды шығару рәсімі 19 наурызда Кеншілер мәдениет сарайында өтеді.
Қосымша сұрақтарды келесі телефондар арқылы қоюға болады: (8-7212) 42-50-95, 42-50-33, +7-777-048-04-09 (Алтынай).
