Халық санағының екінші кезеңі 1 қазанда басталды және айдың соңына дейін жалғасады. Сауалнаманы онлайн форматта өз бетінше өтпегендерге интервьерлер келеді. Дегенмен, 15 қазанға дейін sanaq.gov.kz сайтында онлайн түрде санақтан өтуге болады.
Аймақтағы ұлттық санақтың барысы туралы Өңірлік коммуникациялар қызметінің алаңындағы брифингте айтылды.
4 қазандағы жағдай бойынша Қарағанды облысында 443 мың адам немесе халықтың 32% -ы онлайн сауалнамаларды толтырды. Көшбасшы – Ұлытау ауданы, онда тұрғындардың 51% интернет -сауалнамадан өтті. Екінші орында Нұра ауданы (45%), үшінші орында – Приозёрск қаласы (43%).
“1-ші қазаннан бастап интервьюерлер тұрғындар арасында сауалнама жүргізе бастады, ол 30-шы қазанға дейін жалғасады. Ал 31 қазан мен 7 қараша аралығында 10 пайыздық бақылау іріктеуі жүргізіледі”, – деді Қазақстан Республикасы Стратегиялық жоспарлау және реформалар агенттігінің Қарағанды облысы бойынша ұлттық статистикасы бюросы жетекшісінің орынбасары Сәуле Комутова.
Облыста 234 нұсқаушы-контроллер, 1600-ге жуық интервьюер дайындалды. Олардың барлығы жеке қорғаныс құралдарымен қамтамасыз етілген, коронавирус инфекциясына қарсы екпе алған. Қызметкерлерге планшетті қолдану мен сауалнама жүргізу әдістері үйретілді.
Үйлерді аралау кезінде сұхбат алушының қолында фотосуреті бар куәлігі болуы тиіс. Құжаттың дұрыстығын sanaq.gov.kz сайтынан тексеруге болады. Сонымен қатар, сұхбат алушылардың атрибуттары бар – көк шарф және санақ белгілері бар портфель.
Дербес деректердің қауіпсіздігі – халық санағының басты басымдықтарының бірі, деп атап өтті баяндамашы. Ол үшін интервьюерлермен сауалнама кезінде алынған құпия мәліметтерді жарияламау туралы келісімдер жасалған. Интервьюерлердің серверге деректерді беруі қауіпсіз желі арқылы жүзеге асады.
Барлық сұрақтар бойынша тәулік бойы 1446 және 8-8000-800-878 байланыс орталығына хабарласуға болады. Қоңырау тегін. Сонымен қатар, sanaq.gov.kz сайтында телефон нөмірлері жазылған аймақтық байланыс орталықтарының тізімі бар.
Қарағанды облысы әкімдігінің баспасөз қызметі
