Мерекелік іс-шаралар тек 1 мамырға ғана емес, Отан қорғаушылар күні мен Жеңіс күніне де арналады, деп хабарлайды novoetv.kz.
Жоспар бойынша:
- Қайырымдылық акциялары: су тасқынынан зардап шеккендерге гуманитарлық көмек жинау, ардагерлер мен мұқтаждарға атаулы көмек, ардагерлерді қолдау мақсатында “Ардагерлерге тағзым” акциясы.
- Патриоттық іс-шаралар: мектептердегі батылдық сабақтары, әскери-патриоттық форум, әскери бөлімдердегі Ашық есік күндері, 77-ші жеңілатлетикалық эстафета.
- Батырларды құрметтеу: Сағадат Нұрмағамбетов пен Рахымжан Қошқарбаевтың 100 жылдығы, атаулы құттықтаулар және ҰОС ардагерлері мен тыл еңбеккерлеріне біржолғы төлемдер, олардың үйлеріне барып құрметтеу
- Мерекелік іс-шаралар: концерттер, көрмелер, спорттық жарыстар, Мәңгілік алауға гүл шоқтарын қою, “ата есімі – ел есінде”онлайн-акциясы.
Облыс әкімі Ермағанбет Бөлекпаев мерекелерді аса салтанатсыз, бірақ ардагерлер мен мұқтаж жандарға назар аудара отырып, мазмұнды етуге шақырды. Өңірде қалған 11 ҰОС қатысушысына ерекше назар аударылатын болады. Мамыр мерекелері осы қиын уақытта, бірліктің және қолдаудың символына айналуы керек.
Қарағанды облысы әкімдігінің ақпараты бойынша
