Олимпиада өтпей қалуы мүмкін

Токиодағы Олимпия ойындарын ұйымдастыру комитетінің бас директоры Тосиро Муто дүбірлі дода басталғанға дейін жағдай ушығып кетсе, ойындар болмауы мүмкін екенін айтты, деп хабарлайды Egemen.kz.

Жарыстың ашылу салтанаты 23 шілдеге жоспарланғаны белгілі. 20 шілде күні Олимпиада қалашығында тексеріс кезінде коронавируспен 9 адамның ауырғаны белгілі болды. Олардың ішінде үш спортшы бар: екі оңтүстік африкалық футболшы және Чехиядан келген жағажай волейболының ойыншысы. Жалпы Олимпиадаға келген спортшылар мен делегаттар арасынан індетті жұқтырғандар саны 71-ге жетті. Skysports.com-ның хабарлауынша, Т.Муто алдағы уақытта коронавирустық инфекциялардың саны қандай болатынын болжай алмайтынын айтқан.

«Егер толқулар болса, біз коронавирус жағдайына сүйене отырып, тағы да бес жақты келіссөздер жүргіземіз деп келістік. Қазіргі уақытта коронавирус жұқтырғандар саны артуы немесе азаюы мүмкін. Сондықтан біз жағдайды жіті бақылауда ұстаймыз», деді Муто.

Сауалнамаларға сүйенсек, ел тұрғындарының көпшілігі биылғы Олимпия ойындарының өтуіне қарсы. Жаппай наразылық салдарынан Олимпиаданың негізгі демеушілерінің бірі Toyota компаниясы телеэфирден ойынға байланысты жарнаманы алып тастады. Ал оның басшылығы ашылу рәсіміне қатыспау туралы шешім қабылдады. Себебі, елдегі пандемияға қатысты жағдай қиын болып тұр.

19 шілдедегі ахуал бойынша Жапонияда инфекцияны жұқтырғаны саны 2368-ге артты. Олардың жартысына жуығы Токиода тіркелген.

Автор: Корреспондент

Читайте также

Қарағандының жылу орталықтары жылыту маусымына қалай дайындалып жатыр

Қарағандыда ЖЭО-1 және ЖЭО-3-те қысқа белсенді дайындық жүріп жатыр. 26 негізгі жабдықты жөндеу жоспарланған. Жөндеу …

Добавить комментарий

Ваш адрес email не будет опубликован. Обязательные поля помечены *