Бүгін – Ораза айттан кейін 70 күннен соң басталып, 3 күнге созылатын Құрбан айт мерекесінің алғашқы күні.
Құрбан айт мейрамы – мұсылман қауымының бейбітшілік, бірлік, cекілді адами құндылықтарды насихаттайтын басты мерекелерінің бірі.
Бұл күндері жетімдерге, қарттарға, мүгедектерге және барша мұқтаж жандарға көрсетілетін көмек жүректерді ізгілік пен ризашылыққа толтырады.
Құрбан сөзі – араб тілінде «жақындау» дегенді білдіреді. Яғни, жасаған сауап істер арқылы жүректі тазартып, Аллаға жақындай түсу, ал шариғаттағы терминдік мағынасы – «шарттарымен санаса отырып құлшылық ниетімен мал бауыздау» дегенге саяды.
«Новое Телевидение» және «Жаңа FM» ұжымы Сіздерді осы мейраммен құттықтайды!
Жаратушымыз тілектерді қабыл етіп, құт-береке сыйласын! Елімізде әрқашан бейбітшілік, бірлік және келісім болсын!
Мереке қарсаңында бізде қонақта Қарағанды облыстық «Әнет баба» мешітінің Наиб имамы Жомаділда Елдос Қуандықұлы болып, барша қауымды ұлық мейраммен құттықтады.
