Қарағанды облысында жыл басынан бері 73 мыңнан астам КТ зерттеуі жасалды. Олардың басым бөлігі КВИ диагнозы расталған науқастарға өткізілді.
Қарағанды облысында 12 медициналық ұйымда компьютерлік томографтар жұмыс істейді. 2021 жылдың 8 айында облыстың түрлі қалалары мен аудандарындағы КТ аппараттарда 73 579 зерттеу жүргізілді. Бұл зерттеулердің көп бөлігі өкпенің КТ зертеулері Сovid-19 күдікті немесе расталған науқастарда құрады.
«КТ-диагностиканың ең Ақпараттық әдістерінің бірі, дәрігер зерттелетін органның бірнеше рет түсірілген суреттерін, патологиялық ошақтың нысаналы фотосуреттерін алады. Бұл әдістің жоғары ақпараттылығы мен суреттердің жақсы сапасы дәрігерлерге патологияның бар-жоғын 100% дәлдікпен анықтауға, емдеудің тиімді тактикасын әзірлеуге мүмкіндік береді», – деп толықтырды медициналық сақтандыру Қорының Қарағанды филиалының мониторинг бөлімінің басшысы Тоғжан Елшина.
56 жастағы қарағандылық Светлана Лазареваға 2021 жылдың шілдесінде коронавирус инфекциясы диагнозы қойылды. Емдеу кезінде әйелге үш рет КТ жасады. Барлық зерттеулер, сондай-ақ емделушіге арналған емдеу тегін және оны медициналық сақтандыру Қоры төлейді.
«Өкпенің зақымдану пайызы 56% – ға жетті. Әрине, бұл қиын және қорқынышты болды. Дер кезінде ауруды анықтап, қажетті көмек көрсеткен жақсы болды. Дәрі-дәрмектермен де, қажетті зерттеулермен де проблемалар болған жоқ. Барлығы тегін өткізілді», – дейді Қарағанды ковидтік госпиталінің бұрынғы пациенті.
2021 жылдың 8 айында медициналық сақтандыру Қоры КТ зерттеуін төлеуге 713,5 млн. теңге жіберді.
Компьютерлік томография (КТ) – әртүрлі ауруларды диагностикалаудың заманауи әдістерінің бірі. Бұл зерттеу әдісінің негізі рентген сәулелерінің әрекеті болып табылады. Құрылғы пациенттің айналасында айналады және бірнеше суретке түсіреді, оны компьютер өңдейді және дәрігер қорытындылайды. Компьютерлік томография адамның ішкі ағзалары мен тіндерінің ауруларын диагностикалау үшін жүргізіледі.
