«Жол құрылыс маусымының басталуы: 2025 жылы Қазақстанда мыңдаған шақырым жол жөнделіп, жаңадан салынады»

Президенттің тапсырмасын орындау аясында биылғы жылы елімізде 13 мың шақырымнан астам автожол жөндеу және құрылыс жұмыстары арқылы қамтылады. Оның ішінде ұзындығы 1 мың шақырымнан асатын бірқатар ірі жаңа жобаларды іске асыру басталады. Атап айтқанда, «Қарағанды – Жезқазған», «Ақтөбе – Ұлғайсын», «Атырау – Доссор» бағыттарының құрылысы мен реконструкциясы, сондай-ақ Сарыағаш, Рудный, Петропавл және Қызылорда қалаларын айналып өтетін жолдар жобалары жүзеге асырылады.

Сонымен қатар, өткен жылдардан қалған жобаларды іске асыру жалғасады. Атап айтқанда, «Қалбатау – Майқапшағай», «Құрты – Қонаев», «Қызылорда – Жезқазған» және «Ұзынағаш – Отар» секілді 2 мың шақырымнан астам республикалық маңызы бар жолдарда жұмыстар жалғасады.

Орташа жөндеу бағдарламасына ерекше назар аударылады. Бұл бағытта шамамен 7 мың шақырым облысаралық және ауданаралық жолдар қамтылады. Жөндеу жұмыстары, әсіресе, «Жезқазған – Петропавл», «Мұқыр – Құлсары», «Қандыағаш – Ембі – Ырғыз», «Қостанай – Қарабұтақ», «Өскемен – Шемонаиха», «Өскемен – Рахман қайнары», «Орал – Атырау» және басқа да учаскелерде жүргізіледі. Бұл жұмыстар соңғы төрт немесе одан да көп жөндеу циклі барысында жаңарту көрмеген жол бағыттарының жабындысын қалпына келтіруге мүмкіндік береді.

Бұған қосымша, жергілікті маңызы бар 4 мың шақырым автожолда жөндеу жұмыстары жүргізіледі.