6 қазанға қараған түні Шымкент, Түркістан және Жамбыл облыстары аумағында болған жер сілкінісіне байланысты жедел әрекет ету мақсатында ҚР Төтенше жағдайлар министрлігі бірқатар штабтар құрды, деп хабарлайды KAZ.NUR.KZ ТЖМ-ге сілтеме жасап.
Атап айтқанда, жедел штаб ҚР ТЖМ командалық орталығында, сондай-ақ Жамбыл және Түркістан облыстары мен Шымкент қаласының төтенше жағдайлар департаменттері базасында жұмыс істей бастады.
Тұрғындарға жедел көмек көрсету үшін төмендегі «жедел желілер» іске қосылды:
-
ҚР ТЖМ командалық орталығы: 8 (7172) 70-41-18
-
Түркістан облысы ТЖД: 8 (7253) 35-78-86
-
Жамбыл облысы ТЖД: 8 (7262) 51-35-75
-
Шымкент қаласы ТЖД: 8 (7252) 95-57-06
ТЖМ мәліметінше, ведомствоаралық бейнеконференцияны Төтенше жағдайлар вице-министрі Батырбек Әбдішев жүргізді. Кездесу барысында өңірлердегі ахуал сараланды.
Министрлік әзірге ғимараттардың қирауы немесе зардап шеккендер туралы мәлімет түспегенін хабарлады.
– ТЖМ жағдайды бақылауды жалғастырып жатыр және аймақтармен тұрақты байланыста. Азаматтардан сабыр сақтап, тек ресми дереккөздерге сүйенуді сұраймыз, – делінген ведомство хабарламасында.
Еске сала кетейік, дүйсенбіге қараған түні Жамбыл, Түркістан облыстары мен Шымкент қаласында жер сілкінісі тіркелген болатын.
