Хабар

Жүктілікке және босануға байланысты әлеуметтік төлемдер енді өтініш бермей-ақ тағайындалады

Еңбек және халықты әлеуметтік қорғау министрлігі Электрондық еңбек биржасы порталында жаңа функционал іске қосылды.

Енді жүктілікке және босануға байланысты табыстан айырылған жағдайда төленетін әлеуметтік төлемдерді проактивті форматта (яғни, өтініш берушінің қатысуынсыз) тағайындауға болады, деп хабарлайды Еңбек және халықты әлеуметтік қорғау министрлігінің сайты.

Ондағы ақпаратқа сәйкес, 2021 жылдың мамыр айынан бастап жұмыс беруші жүктілік пен босану бойынша Еңбек шартын ЭЕБ порталындағы біріңғай жүйеде тірей алады.

Осылайша, демалысқа шыққан қызметкерлерге тиісті әлеуметтік төлемді тағайындау өтініш берушінің қатысуынсыз проактивті форматта жүзеге асыруға болады. Яғни, жүктілік пен босану бойынша төлемді рәсімдеу үшін Халыққа қызмет көрсету орталығына барудың қажеті жоқ.

Әлеуметтік демалысқа шыққан жұмыскерге төлемді проактивті түрде тағайындау үшін жұмыс беруші жұмыскердің шығу дерегін ЭЕБ порталындағы жеке кабинетте тіркеуі қажет.

Деректер Еңбек шарттарын есепке алудың бірыңғай жүйесіне жіберіледі, одан сұрау салу бойынша әлеуметтік төлемдер тағайындау үшін “Азаматтарға арналған үкімет” мемлекеттік корпорациясы на жөнелтіледі.

Ал демалысын рәсімдейтін қызметкерге SMS-хабарлама арқылы проактивті форматта әлеуметтік төлем тағайындауға келісімін алу бойынша сұрау түседі, оған үш күн ішінде жауап беру қажет.

Статьи по теме

Добавить комментарий

Ваш адрес email не будет опубликован. Обязательные поля помечены *

Back to top button