Шахтадағы апат: Зардап шеккендерге қандай көмек көрсетіліп жатыр?

Абай шахтасында апат салдарынан зардап шеккендерге қандай көмек көрсетіліп жатқаны айтылды. Бұл туралы Сенатта өткен Үкімет сағатында Қарағанды облысы әкімінің орынбасары Абзал Нүкенов мәлімдеді.

«Адам өмірі бәрінен қымбат. Бүгінгі күні қайтыс болған азаматтардың жақындарына тиісті көмек көрсетілді. Қайтыс болуына байланысты жерлеу рәсімдерін өткізуге 1,5 млн теңгеден бөлінді. Сондай-ақ АМТ («АрселорМиттал Теміртау» АҚ) тарапынан он жылдық көмек көрсету мәселелері қарастырылып жатыр. Қазіргі күні облыс әкімі және өнеркәсіп саласына жауапты облысы әкімінің орынбасары АМТ ғимаратында үшжақты кездесу өткізіп жатыр», — деді Абзал Нүкенов.

Оның сөзінше, кездесуде кеншілер тарапынан қойылып жатқан нақты ұсыныстар талқыланып жатыр.

«Тергеу амалдары әлі жүріп жатыр. Республикалық комиссия жұмысының қорытындысы бойынша шешім қабылданады. Сонымен бірге АМТ өнеркәсіп орнының ұлкен жауапкершілігі болуы керек. Модернизациядан өтіп, жұмысты күшейтуі керек. Өйткені көп мәселе техникалық қауіпсіздікті сақтауға келіп тіреледі», — деп айтты облыс әкімінің орынбасары.

7 қараша күні болған апат кезінде шахтада 64 адам болған. Олардың сегізі забойда жұмыс істеген. Алты адам көз жұмып, тағы екі адам ауыр жараланған қайғылы жағдайға, ресми мәлімет бойынша, метан газының көп мөлшерде бөлінуі себеп болған.

Автор: Корреспондент

Читайте также

Қазақстандықтар жеке басына қатысты қате мәліметтерді eGov-та онлайн түзете алады

Қазақстандықтар жеке басына қатысты қате мәліметтерді eGov арқылы онлайн түзету мүмкіндігіне ие болады. Бұл туралы …

Добавить комментарий

Ваш адрес email не будет опубликован.