Рустам Баялиев Президент әкімшілігінде жаңа қызметке тағайындалды
Рустам Баялиев Өңірлік даму мониторингі бөлімінің меңгерушісі болып тағайындалды, - деп хабарлайды novoetv.kz. сайты
“Мемлекет басшысының өкімімен Рустам Ахатханұлы Баялиев Қазақстан Республикасы Президенті әкімшілігінің Өңірлік даму мониторингі бөлімінің меңгерушісі болып тағайындалды, ол бұрынғы атқарған лауазымынан босатылды”, – деп жазылған хабарламада.
Рустам Баялиев 1975 жылы Алматы қаласында дүниеге келген. Әл-Фараби атындағы Қазақ ұлттық университетін, Мемлекеттік басқару академиясын бітірген, мамандығы – халықаралық журналист, экономика бакалавры, экономика магистрі.
Еңбек жолын Қаржы министрлігінде Мемлекеттік салық комитетінің маманы болып бастаған. Әр жылдары Қаржы министрінің көмекшісі-департамент хатшылығының меңгерушісі, басқарма бастығының орынбасары, басқарма бастығы, департамент директорының орынбасары, Индустрия және сауда министрлігінде департамент директоры, комитет төрағасының орынбасары, Ақмола облысы әкімі аппаратының басшысы, “Астанаэнергосервис” АҚ басқарма төрағасы, Алматы облысының ат спорты федерациясының басшысы қызметін атқарды.
