25 қазан – Республика күні Қазақстанның перзентханаларында 709 сәби өмірге келді.
Ведомство мәліметінше, тәулік ішінде елдегі босандыру ұйымдарында 704 әйел дүниеге сәби әкелген. Жаңа туған балалардың 359-ы – ұл, ал 350-і – қыз.
Сол күні бес егіз дүниеге келген.
Денсаулық сақтау министрлігі мереке күнгі кезекшілік кезінде жаңа өмірдің бастауына куә болған дәрігерлерге, акушерлерге және барлық медицина қызметкерлеріне шынайы алғысын білдірді.
