Оқушы қыздардың мектепке шалбар киюіне тыйым салынған ба – БҒМ жауап берді

ҚР Білім және ғылым министрлігінің баспасөз қызметі оқушы қыздардың мектепке шалбармен келуіне шектеу қойылғаны туралы мәліметтерді жоққа шығарды. Қыз балалар мектепке юбка не болмаса шалбар киіп келуі тиіс деген талап қойылмайды.

Ведомствоның «ҚазАқпарат» халықаралық ақпарат агенттігіне берген мәліметінде қыз балалар мектепке юбка немесе шалбар киіп келуі тиіс деген талап қойылмайтыны айтылған.

«Жаңа оқу жылында оқушыларға білім беру ұйымдарына тек мектеп формасында ғана емес, сонымен қатар классикалық стильдегі киімде баруына да рұқсат беру туралы шешім қабылданды. Классикалық стиль матаны, киімнің түсі мен тігісін таңдауда қатаңдықпен, ұстамдылықпен және консерватизммен сипатталады. Қазіргі таңда мектептерде «үсті – ашық түсті», «асты – қара түсті» киімге басымдық беріледі. Қыз балалар мектепке юбка не болмаса шалбар киіп келуі тиіс деген талап қойылмайды», — деп жазады министрліктің баспасөз қызметі.

Ведомство мамандары аталған талаптар бойынша қандай да бір түсінбеушіліктер туындаса арнайы Call-орталықтарға хабарласу керектігін айтады.

«ҚР Білім және ғылым министрлігі азаматтардың өтініштеріне жедел ден қою үшін Білім және ғылым саласында сапаны қамтамасыз ету комитетінің аумақтық департаменттері мен білім басқармалары басшыларының және Call-орталықтарының телефон нөмірлерін жариялаған болатын», — деп жазылған ресми мәліметте.

Автор: Корреспондент

Читайте также

23 мамырда орталықтан шалғай орналасқан аймақтарға медициналық пойыздар жолға шығады

23 мамырда еліміздің өңірлеріндегі шалғай жатқан станциялар мен разъез тұрғындарына медициналық қызмет көрсету үшін арнайы …

Добавить комментарий

Ваш адрес email не будет опубликован.