eGov.kz порталында жаңа сервис іске қосылды

Жылжымайтын мүлік объектісі мекенжайының өзгеруі тарихын осы арқылы білуге болады.

eGov.kz порталы және eGov mobile қосымшасында мекенжайдың өзгергені туралы ақпаратты көрсететін жаңа сервис іске қосылды, яғни жылжымайтын мүлік объектісі мекенжайының өзгеруі тарихын осы арқылы білуге болады, деп хабарлады Цифрлық даму, инновациялар және аэроғарыш өнеркәсібі министрі Бағдат Мусин.

Мұндай мәселе жылжымайтын мүлікті сату немесе мүлік кепілін тіркеу кезінде туындайтынын айтқан министр сервистің көмегін түсіндірді.

«Бәлкім, біреулердің жылжымайтын мүлікті сату кезінде тұрғылықты мекенжайының өзгергенін анықтап, ал ол мәліметтерді растау үшін Халыққа қызмет көрсету орталығына барып уақытын жоғалтып, әуре-сарсаңға түскен кездері болған шығар. Осылайша, жаңа сервис нотариустар мен банктерге өз клиенттерін ХҚКО-ға жібермей, осы деректерді тікелей алуға мүмкіндік береді. Атап өтейін, егер азаматтардың құжаттарының цифрлық нұсқасы болса, олардан түрлі анықтамаларды талап ету заң жүзінде тыйым салынады. Осылайша, қызмет көрсету уақыты қысқарып, жұмыс процесі жеделдетіледі. Аталған жаңашылдық Мемлекет басшысының мемлекеттік аппаратты бюрократиядан арылту саясатына негізделген», – деп тарқатты министр.

Министрдің жазуынша, мәліметтерді білу және растау үшін мекенжайдың тіркеу кодын білу жеткілікті. Қажетті ақпарат eGov.kz порталында «Сервистер» бөлімінде және eGov mobilе қосымшасында «Жылжымайтын мүлік және ТКШ» бөлімінде орналасқан.

«Осылайша жылжымайтын мүліктің мекенжайының өзгеру тарихы көрсетіледі. Аталған сервис мемлекеттік қызметтер комитетінің, мемлекеттік несие бюросының ақпараттық жүйелерін және бірыңғай нотариалдық ақпараттық жүйесін интеграциялау жолымен іске асырылды», – дейді Бағдат Мусин.

Автор: Корреспондент

Читайте также

Ата-аналардың 60 пайызы баласының мектепте не оқып жатқанына мән бермейді

Биылғы оқу жылынан бастап мектепте өтетін ата-аналар жиналысының форматы өзгереді. Оқушылардың 60 пайызының ата-анасы мектепте …

Добавить комментарий

Ваш адрес email не будет опубликован.