ДДҰ балаларды вакцинациялауға қарсы шықты

Дүниежүзілік денсаулық сақтау ұйымы балалар мен жасөспірімдерді коронавирустан әмбебап вакцинациялауды құптамайды. Бұл туралы сәрсенбі күні Женевада ДДҰ-ның иммундау жөніндегі сарапшыларының стратегиялық консультативтік тобының мәлімдемесінде айтылған.

«Қазіргі уақытта ДДҰ балалар мен жасөспірімдерді жалпыға бірдей вакцинациялауды ұсынбайды, өйткені осы жас тобындағы ауыр аурулардың ауыртпалығы төмен және барлық елдерде ауыр ауру қаупі жоғары топтар арасында вакцинация жүргізу қолжетімді емес», делінген хабарламада.

ДДҰ бас директоры Тедрос Адан Гебрейюс сәрсенбіде Женевада өткен брифингте әлемде вакциналарды таратуда теңдіктің жоқтығына назар аударды.

«Қазір кейбір елдер жалпы күшейту бағдарламаларын жүзеге асырып жатқан кезде, ДДҰ-ға мүше мемлекеттердің жартысы ғана жыл соңына дейін өз халқының 40%-ын вакцинациялауға қол жеткізді», деді ол осы мақсатқа жету жолындағы қиындықтардың басты себебі ретінде вакцинаны «жаһандық жеткізілімдегі бұрмаланулар» деп атады.

ДДҰ басшысы қазір әлемде «вакцинаның барлық дозаларының шамамен 20%-ы күн сайын үдеткіш және қосымша екпелерде қолданылады» деген мәліметтерді келтірді. Гебрейюс атап өткендей, әлемдегі вакциналарға қолжетімділіктің болмауы көптеген адамдардың өмірін қиды. Гебрейюс вакциналарға тең қол жетімділікті қамтамасыз ету үшін қосымша шаралар қажет деп санайды. Омикрон штамының пайда болуы, оның айтуынша, бұл мәселені тез арада шешу қажеттілігін көрсетеді. Бірінші кезекте медицина қызметкерлеріне, қарттарға және бірінші немесе екінші вакцинацияны әлі жасамаған жоғары қауіпті адамдарға вакцинация жасау мүмкіндігі берілуі керек. Ол Африкада әрбір төрт медицина қызметкерінің үшеуі вакцинацияланбағанын еске салды.

egemen.kz

Автор: Корреспондент

Читайте также

Какой будет погода в Казахстане 30 июня

Погода на территории Казахстана на четверг, 30 июня. В Нур-Султане переменная облачность, без осадков, ветер …

Добавить комментарий

Ваш адрес email не будет опубликован.