Хабар

Қазақстанда пайызы төмен “жасыл” ипотека ашылады

Ләззат Ибрагимованың айтуынша, аталған ипотека түріне сұраныс бар.

“Жасыл ипотека” клиенттері төмендетілген пайыздық мөлшерлемемен энергиялық тиімді пәтерлерді сатып алуға қарыз ала алады, деп мәлімдеді “Отбасы банк” АҚ басқарма төрайымы Ләззат Ибрагимова. Бұл туралы ол тұрақты қаржыландыру құралдарына арналған ECOJER халықаралық конгресінің панельдік сессиясында сөйлеген сөзінде айтты.

Ләззат Ибрагимованың айтуынша, бүгінде Қазақстандағы барлық үй шаруашылығының жалпы шығыстарынан жылу энергиясына арналған шығыстардың үлесі 3 пайыздан аспайды. Демек азаматтарды тұрғын үйдің энергия тиімділігін арттыруға және ресурстарды үнемдеуге ешнәрсе ынталандырмайды. Халықты ынталандыру қажет.

“Яғни бастапқыда энергиясы тиімді тұрғын үйде тұратындарға басымдық беретін мүмкіндіктер мен ресурстар құру қажет. Бұл жерде “жасыл ипотека” үшін үлкен әлеует бар. Біз қазір тиісті жоба әзірлеп, есептеулер жүргізіп жатырмыз”, – деп атап өтті Ләззат Ибрагимова.

“Отбасы банк” АҚ басшысы бірінші кезеңде жаңа ипотекалық өнім халықаралық қаржы ұйымдарының ресурстары есебінен іске асырылуы мүмкін екенін атап өтті. Екінші кезеңде – мамандандырылған облигациялар шығару арқылы.

Статьи по теме

Добавить комментарий

Ваш адрес email не будет опубликован. Обязательные поля помечены *

Back to top button