Хабар

Қарағандылық оқушылар АҚШ-та өтетін байқауға инновациялық жоба ұсынбақ

Massachusetts FIRST LEGO League халықаралық чемпионаты маусым айының ортасында Американың жоғары оқу орны Worcester Polytechnic Insitute базасында өтеді, деп хабарлайды ҚР Оқу-ағарту министрлігінің баспасөз қызметі.

Оған Қарағанды мамандандырылған «Мұрагер» мектеп-интернатының «JelToqSun» командасы өз жобаларын ұсынбақшы. Олар робототехника және бағдарламалау дағдылары ғана емес инновациялық жобалар байқауында да бақ сынайды. Топ мүшелері энергия тақырыбының өзекті мәселелерінің инженерлік шешімін тапты. Олардың жел электр станциясы қолданысқа енсе өндіріс, шаруашылық үшін тиімді болмақ.

«Біздің инновациялық генераторымыз қазақтың киіз үйі іспетті. Конус пішінінің арқасында желді жан-жақтан ұстайды. Ауылдық жерде, әсіресе елдің солтүстігінде қатты жел тұрса ескі магистральдық желілер істен шығып қалады. Ал біздің жоба сол табиғи құбылысты пайдалы механизмге пайдалану. Бұл жобаны бұрыннан бар көп жүзді ротордың негізінде жасадық. Бізде «жел диірменінің» бірнеше нұсқасы болды, төртбұрышты, дөңгелек олардың барлығын тәжірибеден өткіздік. Оның тиімділігін желдің жылдамдығына байланысты қозғалысына қарай есептедік», – дейді команда инженері Санжар Сәрсембаев.

Айта кетейік, оқушылар өз жобаларын жергілікті металлургия кәсіпорнының инженерлеріне таныстырды, оған мемлекеттік университеттердің ғалым, докторлары оң баға берді.

Енді Massachusetts FIRST Lego League халықаралық чемпионатында қорғайтын болады. Оқушылар АҚШ-қа жолдаманы Астана қаласында ҚР Оқу-ағарту министрлігінің қолдауымен өткен Central Asia FIRST LEGO League Championship робототехника сайысында жеңіп алған болатын.

Статьи по теме

Добавить комментарий

Ваш адрес email не будет опубликован. Обязательные поля помечены *

Back to top button