Үкімет отырысында Қаржы мониторингі агенттігі төрағасының орынбасары Қайрат Бижанов цифрлық кеңістіктегі жаңа қауіптер туралы сөз қозғады.
Оның айтуынша, танымал отандық блогерлер жеңіл табыс табуды көздеп, онлайн-құмар ойындарды жарнамалаумен айналысып, азаматтарды сол ойындарға тартуда.
«Мұндай әрекетке барған 37 адам анықталды, олардың 18-і әкімшілік жауапқа тартылды. Көпшілігі мұны білмей істеген жоқ, заңды жүйелі түрде бұзуға әдейі барады. Құмар ойындарды жарнамалағаны үшін нақты жауапкершіліктің жоқтығы жағдайды күрделендіріп отыр. Сондықтан біз қаржы пирамидасына ұқсайтын онлайн-казино жарнамасына қылмыстық жауапкершілік енгізуді ұсынамыз», – деді Қайрат Бижанов.
