Үкімет отырысында Цифрлық даму министрі Жаслан Мәдиев Қазақстандағы криптоиндустрияны дамытуға арналған жоспар туралы пікір білдірді.
Министрдің айтуынша, ведомство криптоиндустрияны либерализациялау және цифрлық майнингке инвестиция тарту мақсатында бірнеше түзетулер дайындаған.
Осы түзетулерге сәйкес, Қазақстан территориясында криптовалюталық өндіріс пен айналымды заңдастыру; криптовалютаны айырбастау пункттерін лицензиялау; өндірілген цифрлық активтерді «Астана» халықаралық қаржы орталығында сатуды міндеттеу жойылу; сондай-ақ электр станцияларын жаңғырту жобасын іске асыру қарастырылған, – деді Мәдиев.
Сонымен қатар, министр CryptoCity, мемлекеттік майнинг, криптоқор құру, ұлттық валютаға негізделген стейблкоин енгізу және нақты активтерді токенизациялау сияқты жобалар қолға алынғанын атап өтті.
