Қазақстанда Kcell және Activ абоненттері ұялы байланыс пен интернеттен көпшілік болып айырылды.
Kcell және Activ операторларының пайдаланушылары қызмет сапасына қатысты жаппай шағымдар білдіруде. Қазақстандықтар екі сағаттан астам уақыт бойы ұялы байланыс пен интернет қызметінің толықтай тоқтағанын айтып жатыр. Бұл туралы Stan.kz ақпарат көзі хабарлады.
Әлеуметтік желілерде абоненттер өз проблемаларын бөлісуде:
«Интернет мүлдем істемей тұр, байланыс белгісі де көрінбейді. Бұл қалай болуы мүмкін? Тарифке қомақты ақша төлеймін,» – деп шағымданды бір желі қолданушысы.
Тағы бір қолданушы оператордың байланыс орталығына хабарласа алмай отырғанын жеткізді:
«Күні бойы байланыс жоғалып кетті, байланыс орталығына да қоңырау шалуға мүмкіндік жоқ. Wi-Fi болмаса ештеңе істей алмайсың,» – деп наразылығын білдірді.
Ұялы байланыс операторларының баспасөз қызметі ақаудың бар екенін растады және мәселенің себептері анықталып жатқанын хабарлады.
«Қазіргі уақытта кейбір абоненттер мобильді интернетке қосылуда қиындықтарға тап болды. Техникалық мамандарымыз жағдайды тексеріп, мәселені тез арада шешуге барлық күшін салып жатыр. Вaqытша туындаған қолайсыздық үшін кешірім сұраймыз және түсіністікпен қарағандарыңызға алғыс айтамыз,» – делінген ресми мәлімдемеде.
