Президент Қасым-Жомарт Тоқаев өз Жолдауында елдегі төрт футбол клубының жекешелендірілгенін мәлімдеді.
Мемлекет басшысы атап өткен командалар мыналар: петропавлдық «Қызылжар», қарағандылық «Шахтер», Астананың «Жеңіс» клубы және қызылордалық «Қайсар».
Бейресми ақпарат бойынша, «Жеңіс» клубын кәсіпкер Михаил Ломтадзе, ал «Қайсарды» TAU Group компаниясы, нақтырақ айтқанда Исламғали Қозбақов қаржыландыратын болады.
Осылайша, елде футбол саласындағы жекешелендіру және коммерцияландыру үдерісі жалғасып жатыр. Президенттің пікірінше, бұл өзгерістер отандық спорттың дамуына серпін береді.
