Қарағандыда саяжай автобустары қайта қатынай бастады
Қарағандыда саяжай маусымына арналған автобустар қайтадан іске қосылды. №3 автопаркінің хабарлауынша, жолаушыларды тасымалдау төрт бағыт бойынша жүзеге асырылады: №10пд, 60д, 75д және 76д.
Сәуір айында автобустар демалыс күндері ғана таңғы сағат 08:00-ден кешкі уақытқа дейін қатынайды.
Мамыр айынан бастап қоғамдық көлік күнделікті режимде жүретін болады. Бұл саяжай иелеріне өз учаскелеріне ешқандай шектеусіз барып-келуге қолайлы жағдай жасайды.
Дереккөз: Қарағанды облысы әкімдігінің ресми сайты
