Қарағанды облысында МӘМС есебінен қандай стоматологиядан көмек алуға болады

Әлеуметтік медициналық сақтандыру қоры биылғы жылы стоматологиялық клиникалармен тікелей жұмыс істей бастады. Қарағанды облысында қандай жеке мекемелермен шарттар жасалғаны жайлы Қордың филиалы мәлім етті.

Қазіргі уақытта МӘМС есебінен қызметтерді жеті клиникадан алуға болады:

— Қарағанды қ.: «Стома на Востоке», «Стомалолог Элит», «Ердос» фирмасы, «Стоматологиялық бірлестік», «Стома плюс»;

– Теміртау қ. – AriDent;

— Приозерск қ. – ЖК Асқанбаев мақсат.

«Сонымен қатар, тиісті жабдықтары мен мамандары бар емханаларда МӘМС аясында стоматологиялық көмек алуға болады», – деп толықтырды қор филиалында.

ӘМСҚ-да стоматологиялық қызметтерге қатысты түсініктемелер берді.

Бүгінгі күні стоматологиялық көмек кімге қолжетімді?

МӘМС жүйесіндегі немесе ТМККК шеңберіндегі стоматологиялық қызметтер барлығына емес, халықтың жекелеген әлеуметтік осал санаттарына ғана қолжетімді. Мысалы, жоспарлы стоматологиялық көмекті тек балалар мен жүкті әйелдер ала алады. Шұғыл ауырсыну болған кезде азаматтардың 10 санаты, оның ішінде балалар мен жүкті әйелдер, зейнеткерлер, мүгедектігі бар адамдар және оларға күтім жасайтын жұмыс істемейтін адамдар, оның ішінде мүгедектігі бар немесе бірінші топтағы мүгедектігі бар балалар, әлеуметтік маңызы бар және жұқпалы аурулары бар пациенттер, көп балалы аналар, атаулы әлеуметтік көмек, әлеуметтік көмек алушылар және басқалар болуы мүмкін.

«Емханадан жолдама талап етілмейді. Ең бастысы, пациент МӘМС немесе ТМККК бойынша стоматологиялық көмек алушылардың санаттарының біріне кіруі және медициналық көрсеткіштері болуы тиіс», – деп атап өтті қорда.

МӘМС есебінен қандай стоматологиялық қызметтерді алуға болады?

Тізім үлкен. Стоматологиялық клиникалар амбулаториялық деңгейде консультациялық-диагностикалық қызметтер ұсынады. Мұнда сіз пломбылау, тісті жұлу, анестезияны ала аласыз.

Сондай-ақ МӘМС-те жақ-бет аймағының туа біткен патологиясы бар балаларға амбулаториялық деңгейде ортодонтиялық пластина орнатылады. Егер пациенттерде стационарлық жағдайда стоматологиялық көмек алу үшін көрсеткіштер болса, онда ол ауруларды диагностикалау және емдеу хаттамаларына және Қазақстан Республикасында стоматологиялық көмек көрсетуді ұйымдастыру стандартына сәйкес көрсетілетін болады (Ескертпе: ҚР ДСМ 2016 жылғы 12 желтоқсандағы № 1053 бұйрығы).

Стоматологиялық клиниканы өзіңіз таңдай аласыз ба?

Иә, бірақ алдымен ол клиника әлеуметтік медициналық сақтандыру қорының жеткізушісі болып табылатындығын анықтаған жөн. Қызмет көрсетушілер тізімін ресми сайттан көруге немесе клиниканың өзінен сұрауға болады.

Қызмет көрсетуден бас тартқан немесе басқа да проблемалар туындаған жағдайда клиниканың пациенттерді қолдау қызметіне немесе qoldau 24/7 мобильдік қосымшасы арқылы немесе 1406 қысқа нөмірі бойынша медициналық сақтандыру қорына жүгіну қажет.

Қарағанды облысы әкімдігінің баспасөз қызметі

Автор: Корреспондент

Читайте также

Әділет министрлігінің тағы бір қызметі egov.kz сайтында онлайн түрде қолжетімді болды

Әділет министрлігінің Міндетті мемлекеттік тіркеуге жатпайтын жылжымалы мүлік кепілін тіркеу жөніндегі қызметі egov.kz сайтында қолжетімді …

Добавить комментарий

Ваш адрес email не будет опубликован. Обязательные поля помечены *